Kenya Lionesses wamepata nguvu kubwa baada ya kurejea kwa kiungo mahiri Stellah
Wafula kuelekea mashindano ya HSBC Sevens Series 2026 yatakayochezwa Februari 14–15
katika Uwanja wa Nyayo.
Wafula alikosa ushindi wa Kenya wa 14–10 dhidi ya Uganda mwezi Oktoba, ushindi
uliowawezesha Lionesses kurejea na taji la Safari Sevens. Pia hakuwemo Kenya ilipopoteza
fainali ya Africa Cup Sevens kwa kufungwa 22–0 na Afrika Kusini katika Uwanja wa
RFUEA mwezi Novemba.

Mchezaji huyo wa Impala RFC alikuwa Marekani kwa kipindi cha miezi mitatu akiitumikia
klabu ya Rhinos, ambako alipitia mafunzo ya hali ya juu ya kiutendaji na pia kushiriki
mashindano mbalimbali ya ushindani. Kurejea kwake kunatarajiwa kuongeza nguvu na
uzoefu mkubwa kwa kikosi cha Lionesses wanapojipanga kwa mashindano ya kimataifa.

Imetayarishwa na Cyrus Sifuna