Luanda Villa wanaonyesha dalili za kurejea katika kiwango kizuri kufuatia kurejea kwa kocha mkuu Leonard Saleh, huku wakipata ushindi wa mechi mbili mfululizo na kuongeza matumaini ya kuepuka kushuka daraja katika Ligi ya Kitaifa.

Saleh, aliyerejea klabuni hivi karibuni baada ya kuondoka Januari kutokana na kutotekelezwa kwa ahadi na kumalizika kwa mkataba wake, ameiongoza timu hiyo kupata ushindi katika mechi mbili alizosimamia, na kurejesha imani kwa wachezaji.

Kurejea kwake kunafuatia kipindi kigumu chini ya Francis Chinjili, aliyepata sare moja pekee katika mechi sita na kushindwa kuiimarisha timu baada ya kuondoka kwa Saleh, kabla ya kuondoka kimyakimya na kutoa nafasi kwa kurejea kwa kocha huyo.

Imetayarishwa na Cyrus Sifuna