Mchezaji Maria Gorette wa Guins Queens anaongoza kundi la wachezaji wanane wapya walioitwa kwenye kikosi cha Kenya Lionesses kwa mashindano ya Rugby Africa Women’s Cup yatakayofanyika katika viwanja vya RFUEA Grounds jijini Nairobi kuanzia leo hadi tarehe 31 mwezi huu.

Kocha Simon Odongo amesema kujumuishwa kwa wachezaji hao wapya kunaonyesha ukuaji wa vipaji kutoka mashindano ya humu nchini na mifumo ya maendeleo ya mchezo huo.

Kenya itaanza kampeni yake dhidi ya Uganda Mei 23 kabla ya kukutana na Madagascar na baadaye mabingwa watetezi Afrika Kusini.

Imetayarishwa na Cyrus Sifuna