Kocha wa Kenya Police Bullets David Vijago amesema ana imani hakuna kitakachowazuia kutwaa ubingwa wa Ligi Kuu ya Wanawake kwa mara ya tatu mfululizo.

Timu hiyo ilithibitisha ubora wake baada ya kuichapa Vihiga Queens mabao 9–0 katika uwanja wa Police Sacco, huku Margaret Kunihira na Emily Moranga wakifunga mabao mawili kila mmoja, na wenzao kuchangia mabao yaliyosalia.

Ushindi huo umeiweka kileleni ikiwa na pointi 49, ikifuatiwa na Ulinzi Starlets kwa tofauti ya pointi mbili, huku timu nyingine zikiendelea kushindania nafasi za juu kwenye jedwali la ligi.

Imetayarishwa na Cyrus Sifuna