NTSA imesema itaanzisha mfumo wa kisasa wa utekelezaji wa makosa madogo ya barabarani kuanzia Juni 2026, katika hatua ambayo itawaruhusu madereva kupewa Arifa ya Polisi ya Uhalifu wa Trafiki ili  kuepuka kufika mahakamani.

 Katika taarifa, Mamlaka ya Kitaifa ya Uchukuzi na Usalama pamoja na Mkurugenzi wa Mashtaka ya Umma ODPP, Mahakama na mashirika mengine ya utekelezaji, imepitia makosa madogo ya barabarani na kutengeneza taratibu za ndani za kuongoza utekelezaji.

Kulingana na mamlaka hiyo, malengo makuu ni pamoja na kuimarisha usalama barabarani, kuongeza uzingatiaji wa sheria za trafiki, kupunguza msongamano katika mahakama za trafiki, uwajibikaji na ufanisi katika utekelezaji.

Imetayarishwa na Hilda Ajema