Wachezaji Emily Morang’a na Vivian Shiyonzo ni miongoni mwa waliorejeshwa katika kikosi cha muda cha Harambee Starlets kilichotajwa na kocha Beldine Odemba kwa ajili ya mashindano ya mataifa manne yatakayofanyika Zambia.

Odemba amedumisha sehemu kubwa ya kikosi kilichoshiriki mechi za hivi karibuni za kimataifa huku akiwajumuisha tena baadhi ya wachezaji waliowahi kuitumikia timu ya taifa ya wanawake hapo awali.

Kenya itatumia mashindano hayo kujaribu mchanganyiko wa wachezaji na kupima utayari wa kikosi dhidi ya wapinzani wa ukanda huu kabla ya maandalizi ya WAFCON kuongezwa kasi kuelekea mashindano ya mwaka 2026.

Imetayarishwa na Cyrus Sifuna