Kenya na Tanzania zinaendeleza mipango ya kuunganisha mitandao yao ya reli ya kisasa (SGR) kupitia Uganda, hatua itakayounda njia kuu ya reli ya kikanda inayounganisha Mombasa na Dar es Salaam na nchi za Uganda, Rwanda na Burundi.

Kufuatia ripoti, Kenya imezindua ujenzi wa sehemu ya reli inayotoka Naivasha hadi Malaba, ambayo inatarajiwa kufika mpaka wa Uganda mwaka 2027.Uganda inaipa kipaumbele ujenzi wa reli ya SGR kutoka Malaba hadi Kampala, huku njia ya baadaye itakayopita kusini mwa Uganda kuelekea mpaka wa Rwanda ikitarajiwa kuunganishwa na mtandao wa reli wa Tanzania.

Kwa upande wake, Tanzania imeanza kupanua reli yake ya SGR kutoka Dodoma hadi Kigoma na ina mpango wa kujenga njia ya Tanga-Musoma ambayo itasogeza reli yake karibu zaidi na Uganda na Rwanda.

Hivyo, muunganisho kati ya mifumo ya reli ya Kenya na Tanzania utafikiwa kupitia njia za SGR zilizopangwa kujengwa nchini Uganda. Kenya inalenga kukusanya hadi Shilingi bilioni 390 za Kenya kupitia hati fungani zinazodhaminiwa na mapato ya Ushuru wa Maendeleo ya Reli ili kufadhili mradi huo wa upanuzi.

Imetayarishwa na Maurine Amwayi