Kijana wa Kenya Kinoti Kiara ameipa nchi sababu ya kusherehekea baada ya kutwaa ubingwa katika Mashindano ya Afrika ya Cadet na Junior ya mchezo wa upanga yaliyofanyika jijini Dakar, Senegal.

Akiwania dhidi ya vijana wenye vipaji vikubwa barani Afrika, Kiara alionyesha utulivu wa hali ya juu, akicheza kwa nidhamu, kuimarisha safu ya ulinzi na kushambulia kwa wakati muafaka.

Kadri mashindano yalivyozidi kuwa magumu, Mkenya huyo aliendelea kudhibiti presha, akishinda mapambano ya karibu hadi kufika kileleni na kuipatia Kenya mafanikio makubwa ya kimabara katika mchezo huo.

Imetayarishwa na Cyrus Sifuna