Nairobi imefanikiwa kushinda zabuni ya kuandaa Mashindano ya Dunia ya Riadha mwaka 2029, katika ushindi wa kihistoria uliotangazwa mjini Budapest nchini Hungary baada ya kukamilika kwa Mashindano ya Dunia ya Mwisho.

Nairobi imewashinda wapinzani wake London na Rome na kuwa jiji la kwanza barani Afrika kupewa nafasi ya kuandaa mashindano hayo makubwa ya riadha, huku Baraza la Dunia la Riadha likithibitisha kuwa Munich nchini Ujerumani itaandaa mashindano ya mwaka 2031.

Habari hiyo ilimfikia Rais William Ruto akiwa Siaya katika ziara ya maendeleo, ambapo alikatiza hotuba yake na kuwafahamisha wananchi kuhusu ushindi huo uliopokelewa kwa shangwe.

Imetayarishwa na Cyrus Sifuna