Rais William Ruto amewahakikishia Wakenya kuwa uchaguzi mkuu wa mwaka 2027 utakuwa wa amani, akiahidi serikali yake itachukua hatua kuhakikisha usalama unadumishwa kipindi chote cha uchaguzi.

Rais amesema serikali haitaruhusu makundi ya wahalifu kuingilia shughuli za kisiasa, akionya kuwa wote watakaohusika na vurugu, vifo au uharibifu wa mali watachukuliwa hatua kali za kisheria.

Aidha, Ruto amesisitiza kuwa Kenya itaendelea kuwa taifa lenye amani, utulivu na umoja kabla, wakati na baada ya uchaguzi mkuu wa mwaka 2027.

Imetayarishwa na Cyrus Sifuna