Kocha wa Junior Starlets Mildred Cheche ameendelea na maandalizi ya timu kuelekea kushiriki Kombe la Dunia la Wanawake la U17 nchini Morocco, huku Faith Boke, Noelina Akuku, Marcy Awuor na Mwanakombo Bakari wakiwa hawajajiunga na kambi.

Cheche amesema wachezaji wengi tayari wamewasili kambini, huku Boke, Akuku na Awuor ambao ni wanafunzi wa Butere Girls wakisubiri kuachiliwa na shule, wakati Bakari yuko Marekani baada ya kupata ufadhili wa masomo.

Wachezaji hao wanne ni sehemu ya kikosi cha muda cha wachezaji 30, huku watatu kutoka Butere Girls wakitarajiwa kupigania nafasi katika kikosi cha mwisho cha wachezaji 25 kitakachoiwakilisha Kenya nchini Morocco.

Imetayarishwa na Cyrus Sifuna