Idara ya upelelezi wa jinai DCI imetakiwa kujiondoa kwenye uchunguzi unaoendelea katika Sakata ya mafuta iliyosababisha kupotea kwa shilingi bilioni 2.9, kwa misingi kwamba ilihusika katika uagizaji wa mafuta hayo.

Kiongozi wa chama cha DCP Rigathi Gachagua, amesisitiza kwamba idara hiyo ni mwanachama wa kamati ya kitaifa ya usalama, NSAC, na hivyo itavuruga uchunguzi huo ikizingatiwa kuwa washukiwa wakuu wametaja kuhusika kwa kamati hiyo katika Sakata hiyo.

Gachagua ametaka uchunguzi huru kufanywa.

Imetayarishwa na Antony Nyongesa