Mahakama ya Mazingira na Ardhi imesimamisha kwa muda ujenzi wa barabara inayopita katika Msitu wa Ngong na kuunganisha Uwanja wa Talanta na Kituo cha Kimataifa cha Mikutano cha Bomas, mradi ambao ni muhimu wa miundombinu huku mzozo wa kisheria kuhusu athari za mradi huo kwa mazingira ukiendelea.

Agizo hilo la mahakama linazuia shughuli zaidi za uchimbaji, ukataji miti, usafishaji wa ardhi na ujenzi katika eneo husika la msitu, ikiwemo kazi katika eneo lililotengwa kwa ajili ya nyumba ya wageni rafiki kwa mazingira (eco-lodge), hadi pale maombi yaliyowasilishwa na walalamoshi yatakaposikilizwa na kuamuliwa.

Kesi hiyo, iliyowasilishwa kwa pamoja na Chama cha Wanasheria nchini Kenya (Law Society of Kenya), Green Belt Movement na JustAct, inapinga uamuzi wa Mamlaka ya Barabara za Mijini nchini Kenya (KURA) wa kutenga sehemu ya Msitu wa Ngong Road ili kupisha mradi huo wa barabara.

Imetayarishwa na Cyrus Sifuna