Mshauri wa Usalama wa Taifa Joseph Boinett amesema vitisho vya usalama vina sura mbalimbali na jukumu la serikali ni kuwalinda Wakenya dhidi ya hatari zinazotoka ndani na nje ya mipaka ya nchi.

Boinett amesema serikali inaendelea kuchukua hatua mbalimbali kukabiliana na vitisho hivyo, akisisitiza kuwa usalama wa taifa ni jukumu muhimu katika kulinda maisha na mali ya wananchi.

Amesema juhudi hizo zimechangia Kenya kubaki na utulivu na amani licha ya changamoto za kiusalama zinazokumba baadhi ya mataifa katika eneo hili la Afrika Mashariki.

Imetayarishwa na Cyrus Sifuna