Kabras Sugar itatuma kikosi cha vijana katika Mashindano ya Raga ya Saba ya Kimataifa ya Kampala Oktoba 3 na 4, kocha Ntabeni Dukisa akithibitisha uamuzi huo.

Dukisa amesema uamuzi huo umetokana na wachezaji wa kikosi cha kwanza kuwa katika timu za Morans na Shujaa zinazojitayarisha kwa Kombe la Afrika la Raga ya Saba nchini Mauritius na mashindano ya Safari Sevens jijini Nairobi.

Amesema mashindano ya Kampala yatawapa wachezaji chipukizi wa klabu hiyo nafasi ya kujipima dhidi ya wapinzani wenye ubora na kupata uzoefu Zaidi.

Imetayarishwa na Cyrus Sifuna