Shirikisho la Ngumi nchini limetangaza kikosi cha wachezaji 39, wanaume 28 na wanawake 11, kitakachoiwakilisha Kenya katika Mashindano ya kwanza ya Ngumi ya Afrika ya Dunia yatakayofanyika Oktoba 12 hadi 22 katika Ukumbi wa Ndani wa Kasarani jijini Nairobi.

Kocha mkuu wa timu ya taifa Musa Benjamin amewateua mabondia 19 ambao watawakilisha Kenya kwa mara ya kwanza katika mashindano hayo ya kihistoria yanayoandaliwa chini ya Shirikisho la Ngumi Afrika.

Miongoni mwa wanaopewa nafasi yao ya kwanza katika timu ya taifa ni Ben Juma na mdogo wake Chris Juma wa Kasarani Youth, pamoja na Dennis Muthama wa KDF ambaye ni bingwa wa sasa wa uzani wa bantam katika Michezo ya Kijeshi ya Afrika.

Imetayarishwa na Cyrus Sifuna