Polisi mjini Mombasa wanamshikilia mwanamume mmoja anayedaiwa kumuua mkewe na mmoja wa watoto wao kwa kuwachoma kisu, kufuatia mzozo wa kifamilia katika eneo la Shauri Yako Mkomani Nyali kaunti ya Mombasa.

Taarifa ya polisi kutoka Kituo cha Kongowea inamtaja mshukiwa huyo kama Richard Matiko, ambaye pia anadaiwa kumshambulia mtoto wao mwingine mwenye umri wa miaka 14 na kumsababishia majeraha makubwa.

Mtoto huyo alitoroka na baadaye kupelekwa katika Hospitali ya Coast General Teaching and Referral na msamaria mwema, ambapo anaendelea na matibabu.

Imetayarishwa na Jesca Angeyo