Murang’a Seal ilipata ushindi mkubwa zaidi msimu huu wa Ligi Kuu ya FKF baada ya kuicharaza Posta Rangers mabao 5-1 katika uwanja wa SportPesa Arena.

Majaliwa Charo na Josphat Lopaga walifunga mabao mawili kila mmoja, huku Michael Macharia akiongeza bao jingine katika mechi ya kwanza ya Murang’a nyumbani msimu huu.

Ushindi huo umeiwezesha Murang’a kujirekebisha baada ya kufungwa 4-2 na mabingwa watetezi Gor Mahia, huku Posta Rangers ikipata kichapo cha pili mfululizo baada ya kupoteza 1-0 dhidi ya Shabana FC.

Imetayarishwa na Cyrus Sifuna