Bondia Mkenya Emmanuel Odhiambo, ambaye pia hufanya kazi ya bodaboda jijini Nairobi, ameibuka mshindi katika mashindano ya ngumi ya Afrika kwa mabondia wakubwa yanayoendelea Kasarani.

Odhiambo alimshinda Zienalabden Ismael wa Sudan katika uzani wa bantam, akitumia mbinu bora za kujihami, mwendo wa haraka na mashambulizi sahihi kupata ushindi wa majaji.

Ushindi huo unaimarisha matumaini ya timu ya Kenya, maarufu kama The Hit Squad, ya kutwaa medali nyingi katika mashindano hayo yanayoandaliwa nyumbani.

Imetayarishwa na Cyrus Sifuna