Naibu Rais Kithure Kindiki amewaonya wanasiasa dhidi ya kuchochea vurugu na kutumia makundi ya vijana kuvuruga amani, huku joto la kisiasa likizidi kupanda kuelekea uchaguzi mkuu wa 2027.

Akizungumza wakati wa uzinduzi wa ujenzi wa barabara ya Giathenge–Witima eneo la Othaya, kaunti ya Nyeri, Kindiki amesema vyombo vya usalama vinawafuatilia wanasiasa wanaoshukiwa kuandaa makundi ya wahuni kabla ya kampeni kuanza.

Amewataka vijana kukataa kutumiwa kuchochea ghasia, huku akiwataka wapinzani wake wa kisiasa katika eneo hilo kushindana kwa sera na mipango ya maendeleo badala ya siasa za uharibifu.

Imetayarishwa na Cyrus Sifuna