Baadhi ya viongozi wa ODM, wakiongozwa na mwenyekiti Gladys Wanga, wameushutumu upinzani kwa kukosa ajenda ya Wakenya kuelekea uchaguzi mkuu wa mwaka ujao.

Wakizungumza kaunti ya Migori, viongozi hao wamewahimiza wananchi kumuunga mkono Rais William Ruto, wakisema ana nafasi ya kuwashinda wapinzani wake katika uchaguzi.

Waziri wa Utumishi wa Umma, Geoffrey Ruku, pia ameusuta upinzani kwa kupinga rekodi ya maendeleo ya serikali, akitaja miradi inayotekelezwa katika maeneo ya Nyanza na Magharibi mwa Kenya.

Imetayarishwa na Cyrus Sifuna