Polisi katika eneo la Matungu, kaunti ya Kakamega, wanachunguza mauaji ya mvulana wa miaka 17, Paul Wanjala, ambaye mwili wake ulipatikana katika shamba la miwa Oktoba 10, akiwa na shoka lililokwama upande wa kulia wa kichwa chake.

Mama wa marehemu amewaambia polisi kuwa mwanawe alikula chakula cha jioni na rafiki yake kabla ya kuondoka kwenda kulala, lakini aliarifiwa asubuhi iliyofuata kuwa mvulana huyo amepatikana amefariki.

Wapelelezi walikusanya ushahidi katika eneo la tukio na kuondoa shoka hilo kwa uchunguzi.

Imetayarishwa na Cyrus Sifuna