Kenya Police FC imetengana na kocha mkuu Nicholas Muyoti na msaidizi wake John Baraza baada ya mechi mbili pekee za ligi kuu ya FKF msimu wa 2026/27.

Klabu hiyo imesema wawili hao wameondoka ili kuendeleza masomo yao na kupata leseni ya ukocha ya CAF-A, baada ya Kenya Police kuanza msimu kwa sare ya bao moja kwa moja dhidi ya Migori Youth na kichapo cha mabao mawili kwa moja dhidi ya AFC Leopards.

Katika taarifa yake, klabu hiyo imesema Muyoti na Baraza walijiunga kwa makubaliano kuwa wangeachiliwa pindi fursa ya kuimarisha sifa zao za ukocha itakapojitokeza.

Imetayarishwa na Cyrus Sifuna