Kocha wa Kenya Police, Nicholas Muyoti, anakutana na klabu yake ya zamani AFC Leopards katika mechi ya Ligi Kuu ya FKF saa tisa alasiri katika uwanja wa Nyayo.

Police inalenga ushindi wake wa kwanza msimu huu baada ya kutoka sare ya bao moja kwa moja na Migori Youth, huku Leopards ikitoka sare tasa dhidi ya Bandari.

Muyoti amesema bado ana imani na azma ya Police kutwaa taji la ligi, licha ya kupoteza pointi katika mechi ya ufunguzi, huku timu zote zikisaka ushindi ili kuimarisha kampeni zao za ubingwa.

Imetayarishwa na Cyrus Sifuna