Waziri wa Afya Aden Duale ametoa wito wa kuimarisha ushirikiano kati ya serikali, wasambazaji na watoa huduma za afya ili kuhakikisha wagonjwa wanapata dawa bora kwa wakati.

Duale amesema Kenya bado inakabiliwa na changamoto ya kuwahakikishia wagonjwa upatikanaji wa dawa salama, zenye ufanisi na zinazoweza kumudu gharama, huku utekelezaji wa ajenda ya afya kwa wote ukiendelea.

Amesema ushirikiano kati ya wadau hao ni muhimu katika kuboresha upatikanaji wa dawa na kuhakikisha huduma za afya zinakidhi mahitaji ya wananchi.

Imetayarishwa na Cyrus Sifuna