Timu ya Kenya ya wasichana walio chini ya miaka 17 Junior Starlets itaelekea Hispania kwa kambi maalum ya mazoezi kuelekea Kombe la Dunia la wanawake chini ya miaka 17 nchini Morocco.

Kenya itacheza mechi tatu za kirafiki dhidi ya Australia pamoja na vilabu vya uhispania Real Betis na Cádiz, hatua itakayosaidia benchi la kiufundi kuipima timu dhidi ya wapinzani wenye ushindani.

Baada ya kambi hiyo, Junior Starlets itasafiri moja kwa moja hadi Morocco ambako iko Kundi E pamoja na China, Marekani na Samoa, huku ikianza kampeni dhidi ya China Jumatatu Oktoba 19.

Imetayarishwa na Cyrus Sifuna