Inspekta Jenerali wa Polisi Douglas Kanja amewaonya maafisa wanaohusika na utovu wa nidhamu kuwa watawajibika kwa matendo yao, kufuatia kushambuliwa kwa mwandishi wa habari jijini Nairobi alipokuwa akiripoti maandamano dhidi ya gharama ya juu ya mafuta.

Kanja amesema tukio hilo lililonaswa na kamera na kurushwa na vyombo vya habari limeichafua taswira ya Huduma ya Kitaifa ya Polisi licha ya onyo za  mara kwa mara kuhusu kudumisha weledi.

Onyo hilo linafuatia kushambuliwa kwa mwanahabari wa Royal Media Ode Francis na maafisa wa polisi siku ya Mashujaa alipokuwa akiripoti maandamano jijini Nairobi.

Imetayarishwa Cyrus Sifuna