Rais William Ruto amehalalisha uamuzi wa serikali wa kukodisha viwanda vinne vya sukari vinavyomilikiwa na serikali, akitaja kuwa hatua muhimu ya kuboresha ufanisi, kurejesha faida, na kulinda maisha ya wakulima.

Akizungumza kwenye sherehe za Madaraka Day katika Kaunti ya Homa Bay, Ruto amesema ukodishaji wa viwanda vya kutengeneza sukari vya Nzoia, Chemelil, Sony, na Muhoroni ulikuwa umepitwa na wakati na ni muhimu katika kufufua sekta ya sukari inayosuasua.

Ruto amekashifu hali mbaya ya viwanda vingi vya sukari vya umma, akidokeza kuwa baadhi hutegemea mashine ambazo zimedumu kwa zaidi ya miongo mitano, na hivyo kusababisha viwango vya chini sana vya kurejesha sukari.

Imetayarishwa na Antony Nyongesa