Kocha Mkuu wa Zetech Sparks Maurice Obilo atatumia mechi zilizosalia za msimu wa kawaida kama maandalizi ya mchujo ujao, katika Ligi Kuu ya kitaifa ya Kikapu ya Wanawake nchini.

Wanafunzi hao walilaza Stanbic Aces 53-37 kabla ya kupata ushindi mwingine wa 63-56 kwa wenzao wa vyuo vikuu Strathmore Swords wikendi katika uwanja wa Nyayo na Ulinzi Sports Complex mtawalia.

Licha ya kushinda mara mbili wikendi iliyopita, Maurice Obilo anakiri kuwa haikuwa rahisi.

Zetech Sparks hadi sasa wanaongoza ligi ya wanawake wakiwa na pointi 38 wakiwa wamecheza michezo 20, wakishinda 18 na kupoteza miwili.

Imetayarishwa na Nelson Andati