Mamlaka ya usalama barabarani NTSA imewatahadharisha madereva kuhusiana na kundi la wahalifu linalojifanya maafisa wa NTSA na kuitisha faini kupitia SMS kutoka kwa madereva kwa misingi kwamba madereva hao wamevunja sheria za trafiki.

Kupitia notisi, NTSA imesema washukiwa wamekuwa wakituma tovuti kupitia SMS kuwaelekeza madereva namna ya kulipa faini zinazodaiwa.

Mamlaka hiyo imejitenga na tovuti hiyo, na kuwaonya madereva dhidi ya kulipa faini kupitia tovuti hiyo.

Imetayarishwa na Antony Nyongesa