China imekubali kuongeza muda wa ulipaji wa mikopo mitatu ya China iliyotumika kujenga Reli ya Standard Gauge (SGR) hadi 2040, na hivyo kupunguza shinikizo la ulipaji wa kila robo mwaka kwa taifa la Kenya.

Hazina ya Kitaifa imesema kuwa imejadili upya mikopo hiyo nakukubaliana kufanya malipo kwa kipindi cha miaka 15, kuanzia mwaka huu, ambacho kinajumuisha kipindi kipya cha ufadhili cha miaka mitano ambapo Kenya haitamlipa mkopeshaji huyo.Kufuatiaripoti, mikopo hiyo pia ilibadilishwa kutoka dola hadi yuan, hatua inayotarajiwa kuokoa takriban Ksh27.7 bilioni kila mwaka.

Hapo awali, mikopo kutoka kwa Benki ya Exim ya China ilipaswa kulipwa kufikia 2035, huku Kenya ikilipa riba na mtaji. Katibu wa Hazina ya kitaifa John Mbadi amesema masharti yaliyorekebishwa yanaruhusu ulipaji kwa zaidi ya miaka 11 baada ya muda wa miaka minne wa kutolipa kodi. Kenya ilikopa Ksh655 bilioni kwa ajili ya ujenzi wa njia ya SGR kutoka Mombasa hadi Nairobi na baadaye hadi Naivasha, huku ukomavu ukiendelea kati ya 2029 na 2035.

Hazina inakadiria kuwa gharama za huduma za kila mwaka zitashuka kutoka Ksh50 bilioni hadi Ksh37 bilioni, na hivyo kutoa afueni kwani ulipaji wa deni hutumia zaidi ya nusu ya mapato ya serikali.

Imetayarishwa na Maureen Amwayi