Jeshi la Venezuela limetangaza kumuunga mkono aliyekuwa makamu wa Rais Nicolas Maduro aliyebanduliwa na Marekani, Delcy Rodriguez kuwa rais wa taifa hilo baada ya kuapishwa.

Waziri wa ulinzi nchini humo Vladimir Padrino Lopez ameashiria kumuunga mkono Rodriguez ambaye rais wa Marekani Donald Trump amesema ni kiongozi mwafaka ambaye Marekani inaweza kufanya naye kazi.

Kupitia hotuba katika runinga ya kitaifa, Padrino amewahimiza wananchi kurejelea maisha yao ya kawaida huku kukiwa na suitofahamu kuhusu mustakabali uongozi wa taifa hilo.

Imetayarishwa na Antony Nyongesa