Mahakama kuu jijini Nairobi imeahirisha kupitishwa kwa makubaliano ya suluhu katika kesi inayomhusisha mbunge wa Mumias East Peter Salasya na tume ya kitaifa ya uwiano na utangamano NCIC ambako Salasya anatuhumiwa kutoa matamshi ya chuki.

Hii ni baada ya mahakama kufahamishwa kwamba baadhi ya vigezo vya makubaliano hayo havijaafikiwa, ambako mbunge huyo anafaa kupewa wajibu kadhaa wa kuhakikisha uwiano na amani.

Mahakama hiyo imempa mbunge huyo muda wa kutii vigezo hivyo kabla ya uamuzi wa kuondoa mahakamani kesi yake kutolewa.

Imetayarishwa na Antony Nyongesa