Gharama kubwa za kuendesha uchaguzi mkuu nchini zimeibua mjadala mkali Bungeni, huku wabunge wakianza kuchambua Mswada wa Marekebisho ya Sheria za Uchaguzi wa 2024.

Wabunge wamehoji sababu zinazofanya Kenya kuwa miongoni mwa nchi zinazotumia fedha nyingi katika kuendesha uchaguzi, hasa katika maandalizi na usafirishaji wa vifaa vya uchaguzi.

Baadhi ya wabunge wamehusisha gharama hizo na ukosefu wa imani ya kisiasa, wakisema kutokuaminiana miongoni mwa wanasiasa huchangia kuongezeka kwa mahitaji ya kiusalama na kiutendaji katika uchaguzi.

Imetayarishwa na Cyrus Sifuna