Mbunge wa Embakasi Kaskazini James Gakuya amesema vyama vya siasa vinapaswa kuruhusiwa kushiriki uchaguzi na kutoa uongozi, akisisitiza kuwa miungano lazima iwe na mifumo wazi ya kupata wagombea kwa haki.

Gakuya amesema hatakubali kuombwa kujiondoa ili kumpisha mgombea mwingine, akieleza kuwa hatua hiyo haiwezi kuleta umoja wa kweli ndani ya upinzani.

Ameutaka Muungano wa Upinzani kuweka utaratibu wa pamoja wa uteuzi wa wagombea wa ugavana, ili atakayechaguliwa kwa haki aungwe mkono na vyama vyote  .

Imetayarishwa na Cyrus Sifuna