Familia kadhaa katika eneo la Riruta Satellite jijini Nairobi zimeachwa bila makazi baada ya jengo la ghorofa kumi kando ya Barabara ya Kabiria kutangazwa kutokuwa salama kwa makazi.

Wakazi walilazimika kuhama kwa haraka baada ya idara ya usimamizi wa majanga ya serikali ya kaunti kubaini nyufa kubwa katika sehemu mbalimbali za jengo hilo na kutoa amri ya kutotumiwa.

Hali hiyo imewaacha wakazi wengi wakihangaika kutafuta mahali pa kulala, huku baadhi yao wakishindwa hata kuchukua mali zao za msingi kutokana na hofu ya jengo hilo kuporomoka.

Imetayarishwa na Cyrus Sifuna